shiwétsiye yuqumgha munasiwetlik tekshürüsh we barliq cheklimilerni emeldin qaldurdi
shiwétsiye kowid-19 tekshürüshliri we cheklimilirini pütünley emeldin qaldurdi.
1776049
türkiye awazi radiyosi xewiri: shiwétsiye amma saghlamliqi idarisi bashliqi karin tégmark wisél, bügündin bashlap kowid-19 gha alaqidar barliq cheklimilerning bikar qilinghanliqini uqturdi.
döletning yelkisige chüshidighan xirajetlerni nezerde tutup kowid-19 sinaqlirighimu xatime bérilgenlikini bildürgen wisél: «bir heptilik kowid-19 tekshürüshi üchün dölet 55 milyon dollar serp qilidu, buning bir ayliq chiqimi 220 milyon dollar؛ shunga biz kowid-19 tekshürüshige xatime berduq» dédi.
wisél, bügündin bashlap, peqet sehiye sahesi xadimliriningla heqsiz kowid-19 siniqi qilduralaydighanliqini eskertip, öz ixtiyarliqi bilen chet elge chiqmaqchi bolghanlarning kowid-19 tekshürüshining chiqimini dölet we sughurta shirketlirining tölimeydighanliqini bildürdi.
shiwétsiye yene, yawropa ittipaqigha eza döletlerning tewelikige kirmekchi bolghan puqraliridin telep qiliwatqan reqemlik sayahet kartisi, waksina emletkenlik guwahnamisi yaki sinaq pakiti qatarliqlarningmu buningdin kéyin telep qilinmaydighanliqini jakarlidi.
