shimaliy atlantik ehdi teshkilati rusiyening tajawuzigha qarshi birlishishi kérek

engiliye bash weziri boris jonson bilen firansiye pirézidénti émmanuél makron ukrainagha alaqidar téléfon söhbitide, shimaliy atlantik ehdi teshkilatining rusiyening tajawuzigha qarshi birlishishi kéreklikini tekitlidi.

1774120
shimaliy atlantik ehdi teshkilati rusiyening tajawuzigha qarshi birlishishi kérek

türkiye awazi radiyosi xewiri: engiliye bash weziri boris jonson bilen firansiye pirézidénti émmanuél makron ukrainagha alaqidar téléfon söhbitide, shimaliy atlantik ehdi teshkilatining rusiyening tajawuzigha qarshi birlishishi kéreklikini we nöwettiki jiddiy weziyetke diplomatik hel qilish charisi tépilishining «eng muhim ish» qatarida bolishi kéreklikini bildürdi.

téléfon söhbitige alaqidar engiliye bash wezirlik 10-nomurluq ishxanisidin élan qilinghan bayanatta, jonsonning aldinqi hepte kiyéwda élip barghan  ziyariti  we xelqaraliq shérikliri bilen ötküzgen uchrishishliri heqqide öz-ara melumat bérishkenliki uqturuldi.

bayanatta, «(ikki rehber) nöwettiki jiddiy weziyet üchün diplomatik hel qilish charisini tépishning <birinchi muhim ish> bolushi kérekliki heqqide pikir birliki hasil qildi» déyildi.

jonson bilen makron shimaliy atlantik ehdi teshkilatining rusiyening tajawuzigha qarshi birlishishi kéreklikini tekitlidi hemde rusiye ukrainagha tajawuz qilsa, derhal küchke ige bolidighan bir yürüsh jaza layihesini tüzüp chiqish xizmitini birlikte qilishqa qoshulghanliqi élan qilindi.

bayanatta munu ibarilerge alahide orun bérildi:

«rehberler shimaliy atlantik ehdi teshkilatining sherq teripini kücheytish we ittipaqdashlarning qeyerde bolushidin qetiynezer rusiyening yaman gherezlik heriketliridin toluq qoghdilishigha kapaletlik qilish xizmitini muzakire qildi. jonson pirézidént makrongha mans déngizidiki qanunsiz köchmenler mesilisiide firansiye bilen hemkarlishish wedisini qayta tekitlidi. rehberler adem etkeschilirini tosush üchün hemkarlishishning zörürlüki üstide kélishim hasil qildi».



مۇناسىۋەتلىك خەۋەرلەر