amérika daésh lidéri qureyshining öltürülgenlikini uqturdi

türkiye awazi radiyosi xewiri: pirézidént jo baydin amérika eskerlirining süriyening idlib wilayitide élip barghan zerbe bérish herikiti toghrisida bayanat élan qilip: «tünügün kéche amérika armiyesi méning buyruqumgha asasen süriyening gherbiy shimalida dunyani téximu bixeter haletke keltürüsh, ittipaqdashlirimiz we amérika xelqini qoghdash meqsitide térrorizmgha qarshi küresh herikiti élip bardi. jesur eskerlirimizning iqtidari sayisida daésh lidéri ebu ibrahim elhashimi elqureyshini bir terep qilduq. zerbe bérish herikitige qatnashqan amérikaliqlar bixeter halette qaytip keldi» dédi.

aqsarayning ijtimaiy taratqudiki adrésida pirézidént baydin, muawin pirézidént kamala harris we dölet xewpsizlik ishliri xadimlirining herbiy heriketni küzitiwatqan kürünüshliri hembehrilendi.

amérikaning süriyening gherbiy shimalidiki idlib wilayitide bir f-16 urush ayropilani we bir tik uchar ayropilan bilen daésh bilen chétishliqi bar bir kishige qarshi zerbe bérish herikiti élip barghanliqi, heriket jeryanida ayal we balilarni öz ichige alghan 13 kishining ölgenliki bildürülgenidi.