rusiye bélarusiye bilen 20 din artuq manéwir ötküzidu
rusiye dölet mudapie ministiri sérgéy shoygu bélarusiye bilen bu yil (2022) 20 din artuq herbiy manéwir ötküzülidighanliqini éytti.
türkiye awazi radiyosi xewiri: bélarusiye pirézidénti aléksandir lukashénko bilen paytext minskta körüshken rusiye dölet mudapie ministiri sérgéy shoygu, rusiye-bélarusiye birleshme herbiy manéwirliri toghrisida bayanat élan qildi.
u bélarusiye bilen 10-20-féwralda «2022-ittipaqdashliq qetiy iradisi» birleshme herbiy manéwirlirini ötküzidighanliqlirini bildürüp, rusiyening sherqidin bélarusiyeee herbiy qisimlar we qoral-yaraghlarning ewetilgenlikini eskertti.
u kéyinki künlerde «2022-sherq» manéwiriningmu ötküzidighanliqini bildürüp: «bu yil 20 din artuq birleshme manéwirimiz bar» dédi.
bélarusiye pirézidénti lukashénko mezkur manéwirlar arqiliq ukraina bilen chégrani kücheytishni nishan qilghanliqlirini bildürüp: «weziyet keskinlishiwatidu, jawab bérishte qiyniliwatimiz» dédi.
u rusiyening manéwirlar üchün ewetken herbiy qoral-yaraghlarni sétiwélishni pilan qilghanliqlirini eskertip: «bu nato we ukrainaning heriketlirige munasiwetlik halda ittipaqdash dölitimiz üchün intayin muhim» dédi.
bélarusiye dölet mudapie ministirliqining bayanatida körsitilishiche, rusiyening herbiy manéwirlar üchün ewetken «S-400» hawa qalqan sistémiliri bélarusiyege yetküzülgen bolup, brést rayonigha jaylashqan poligondiki manéwirlargha qatnashturulidu.