iraq fédératsiye saqchiliri térrorluq teshkilati daéshqa qarshi herbiy heriket bashlidi

türkiye awazi radiyosi xewiri: kerkük saqchi idarisining axbarat bayanatchisi amir nuri sheherning jenubidiki reshad rayonigha yéqin jayda iraq fédératsiye saqchilirining daéshqa qarshi keng kölemlik herbiy heriket bashlighanliqini shundaqla nurghunlighan qoral-yaragh, oq-dora we turmush matériyallirini qolgha chüshürgenlikini bildürdi.

iraqliq emeldar hashidi shabbi küchlirimu qollap - quwwetligen bu heriketning, aldimizdiki künlerde téximu kéngeytilidighanliqini uqturdi.

térrorluq teshkilati daésh 2014 - yili 6-ayda iraqning musul, salahaddin we enbar ölkilirining hemmisini shundaqla diyala we kerkük wilayetlirining bir qismini ishghal qilghan bolup, bu rayonlar bir nechche yildin kéyin, teshkilattin qayturup élinghan idi.

daésh rayondin qoghlap chiqirilip, sheherler qayturuwélinghan bolsimu, aridin 4 yil ötkenlikige qarimastin, daéshning kerkük, diyala, musul, salahaddin we enbar wilayetlirining yéziliridiki hujumliri dawamlashmaqta.