dunya sehiye teshkilati omikrongha qarshi ghelbe qilinghanliqini éytishning baldur ikenlikini bildürdi

türkiye awazi radiyosi xewiri: dunya sehiye teshkilati diréktori tédros shiwéytsariye paytexti jenwede ötküzülgen axbarat élan qilish yighinida, 2020-yili 30-yanwar xelqaraliq xelq saqliqi jiddiy halet élan élan qilinghanliqigha ikki yil bolghanliqini xatiriletti.

u ötken yilda dunya miqyasida wuxen wirusigha munasiwetlik 370 milyon weqe, 5.6 milyon ölüm sani élan qilinghanliqini eskertip: «ikki yil burunqi u waqitta, wuxen wirusigha munasiwetlik 100 din artuq weqe körülgen we xitaydin bashqa jayda ölüm weqesi körülmigen idi» dédi.

u wuxen wirusi omikron wariyantining 10 hepte ilgiri bayqalghanliqini, emma dunyada 90 milyondin artuq omikron weqesining körülgenlikini bildürdi.

u: «mezkur san 2020-yili bildürülgen jemiy wuxen wirusi weqesidin köp. dunyaning nurghun rayonlirida wuxen wirusigha munasiwetlik ölümlerde, kishini éghir endishege salidighan éshish yüz bergenlikini közitiwatimiz» dédi.

wuxen wirusi (Kovid-19) gha qarshi bir döletning «teslim bolushi yaki ghelbe élan qilishi» üchün köp baldur ikenlikini eskertip: «bu wirus xeterlik we hemmimizning közi aldida dawamliq shekil özgertiwatidu» dédi.

u hazirghiche omikron wariyanti we omikronning esli türidin téximu xeterlik dep étirap qilinghan «BA.2» namliq wariyantning izini tekshürüshni dawamlashturuwatqanliqlirini bildürüp, barliq döletlerning waksina teminleshni kapaletke ige qilish chaqirqini tekrarlidi.

u waksinalarning omikron wariyantigha bolghan ünümi toghrisidiki soalgha: «tetqiq qilip yasalghan waksinalar omikron wariyantigha qarshi ünümi yuqiri. bolupmu, üchinchi shishe waksinalarning xeterlik guruppilirida ijabiy ünümi otturida. bu waksinalarni kemkütsiz dégili bolmaydu. emma, qanchilik köp kishi waksina emletse wirusning tarqilishi shunchilik aziyidu» dep jawab berdi.

u kishiler yéterlik derijide waksina emletken döletlerde wuxen wirusi sewebidin doxturxanida yétip dawalanghanlarning köpinchisining waksina emletmigenler ikenlikini eskertip: «xeter astidiki nurghun kishi, xata melumat bérilgenliki üchün qan qutquzidighan xususiyetke ige waksinalarni emletmeslikni qarar qilmaqta» dédi.

dunya sehiye teshkilatining alimi doktor somya swaminatan (SoumyaSwaminathan)  teshkilatning waksinalarning wuxen wirusi wariyantlirigha qarshi ünüm nisbetlirini her daim közitip turuwatqanliqini tekitlep: «bundin kéyin otturigha chiqish mumkinchiliki bolghan wariyantlardin xewirimiz bolidu. hazirqi waksinalarni bu wariyantlargha qarshi qandaq yéngilash kérekliki toghrisida tetqiqatlirimizni dawamlashturuwatimiz» dédi.