blinkén bilen lawrow téléfonda körüshti

amérika tashqi ishlar ministiri antoni blinkén rusiye tashqi ishlar ministiri sérgéy lawrow bilen téléfonda körüshti.

1771911
blinkén bilen lawrow téléfonda körüshti

türkiye awazi radiyosi xewiri: amérika tashqi ishlar ministirliqi ministir blinkén bilen rusiye tashqi ishlar ministiri séreéy lawrowning téléfonda körüshkenliki toghrisida bayanat élan qildi.

amérika tashqi ishlar ministirliqining bu heqtiki yazma bayanatida, körüshüshning, washington hökümitining rusiyening xewpsizlik tekliplirige qayturghan yazma jawabidin kéyin emelge ashqanliqi alahide tekitlinip: «blinkén amérikaning shériklirimiz we ittipaqdashlirimiz bilen toluq kordinatsiye halida ikki tereplik yaki ittipaqdashliri we shérikliri bilen birlikte özara xewpsizlik endisheliri mesiliside özara pikir almashturushni dawamlashturushni xalaydighanliqini tekitlidi» déyildi.

blinkénning ukrainaning igilik hoquqigha we zémin pütünlükige sadiq ikenliklirini tekitligenliki qeyt qilinghan bayanatta, amérikaning pütkül döletlerning tashqi siyasetlirini we ittipaqdashlirini belgilesh hoquqining barliqini tekrarlighanliqi eskertildi.

bayanatta mundaq déyildi:

«blinkin rusiyedin derhal jiddiychilikni peseytishni we ukraina chégraliridin esker, qoral-yaraghlarni chékindürüshni telep qildi. ukrainaning téximu köp ishghal qilinishining, téz sürette éghir bedellirining bolidighanliqini tekitlidi. rusiyeni diplomatik yoldin paydilinishqa chaqirdi.»

rusiye tashqi ishlar ministiri sérgéy lawrow bu qétimqi téléfon söhbiti toghrisida élan qilghan yazma bayanatida, xewpsizlikni bashqa döletlerning xewpsizliki bedilige kücheytmeslik kéreklikini tekitlep: «amérika bilen natoning mezkur mesilide ashqun derijide selbiy pozitsiye tutuwatqanliqini körüwatimiz» dédi.

u nato döletliriningmu xewpsizlikning bölünmeslikige munasiwetlik meydanidin endishe qiliwatqanliqlirini bildürüp: «gherblik kesipdashlirimiz yawropa-atlantik rayonida, heqqide kélishim hasil qilinghan xelqaraliq qanunning asasiy pirinsiplirini körmeske séliwatidu» dédi.

u munularni qeyt qildi:

«men yene blinkéngha bu mesilini körmeske sélishqa yol qoymaydighanliqimizni körsitip öttüm. biz gherbning néme üchün mejburiyitini ada qilishni xalimaydighanliqini yaki uni öz menpeeti üchün tallap turup ada qilishni xalaydighanliqini semimiylik bilen chüshendürüshke zorlaymiz. blinkén bu yerde muzakire qilish üchün köp amillarning barliqi pikrige qoshuldi. biz ishlarning qandaq bolidighanliqini körimiz.»


خەتكۈچ: #yazma bayanat , #blinkén , #lawrow

مۇناسىۋەتلىك خەۋەرلەر