firansiyede barghanche islamgha öchmenlik qilish kücheymekte

türkiye awazi radiyosi xewiri: firansiyening gherbiy jenubidiki lot-garon rayonida ötken yili 11-ayning axirida échilghan «halal qassap bazari» 30-yanwar kechte irqchiliq hujumigha uchridi.

bon-énkontré shehiridimu bir dukangha ot qoyup bergen hujumchilar binaning témigha 2 natsist kiristi belgisi sizip qoydi.

ot apitige mudaxile qilghan ot öchürüsh etriti dukanning pütünley weyran qilinghanliqini, emma adem ölüsh weqesi körülmigenlikini bildürdi.

teptish mehkimisi bu weqeni «din, irq we millet» qatarliq qimmet qarashlargha hujum qilish jinayiti dairiside, tekshürüshni bashlidi.

yawropadiki islamgha öchmenlik qilish éqimigha qarshi küresh kolléktipi teripidin élan qilinghan bayanatta, bu ot qoyush bérish weqesi bilen bir firansiye téléwiziyiside tarqitilghan «rayon ariliqi» namliq programma otturisida baghlinish barliqini bildürdi.

bayanatta, bu xil programmilarning musulmanlarni éghir mesile süpitide teswirleydighan axbarat mixanizimi ikenliki tekitlinip, döletning islam düshmenlikidin küch alidighan bu xil programmilarni ashkarlighanliqigha qarimastin, musulmanlargha tewe jaylarni saqchilarning qoghdighuchi bilen teminlenmigenliki tekitlendi.

yene bir tereptin firansiyening gherbiy jenubidiki tulus shehiride, musulmanlarning depne murasimi öyinimu öz ichige alghan dukanlar bar bolghan merkezning aldidiki qatnash lewhesining üstige ichki ezaliri éliwétilgen yawa tongguzning béshi we térisi ésip qoyuldi.

musulmanlarning depne murasimi öyining dériktori d.jamél sekkak ijtimaiy alaqe torida élan qilghan bayanatida, ehwalni saqchigha shikayet qilghanliqini éytti.