yemen xelqi derex yopurmaqlirini yéyish arqiliq hayat qélishqa tirishmaqta
yemenlik aililerning derex yopurmaqlirini yéyish arqiliq hayat qélishqa tirishiwatqanliqi bildürüldi
türkiye awazi radiyosi xewiri: birleshken döletler teshkilati dunya ashliq pirogrammisi (WFP) ning ijtimaiy taratqu hésabida élan qilghan bayanatida, toqunush we iqtisadning yimirilishi künséri éghirlishiwatqan yemende, acharchiliqning pütün memliketke kéngiyishke bashlighanliqi tekitlendi.
bayanatta, döletning gherbiy shimalidiki hajje wilayiti qatarliq urushning tesirige eng köp uchrighan rayonlardiki aililerning charisizliqtin derex yopurmiqi yéyish arqiliq yashashqa tirishiwatqanliqi bildürüldi.
birleshken döletler teshkilati dunya ashliq pirogrammisi (WFP) ning 22-dékabirdiki bayanatida, meblegh yétishmesliki sewebidin yanwardin buyan yemenge bérilgen yémeklik yardimining qisqartilidighanliqi élan qilinghan idi.
yemendiki xusiylar 2014-yili sintebirde paytext sana we bir qisim rayonlarning kontrolluqini alqinigha kirgüzüwilghan bolup, seudi erebistan bashchiliqidiki birleshme qisimlar 2015-yili 3-aydin béri xusiylargha qarshi yemen hökümitini qollap kelmekte.
b d t ning doklatigha asaslanghanda, urush partilighandin tartip, 2021-yilining axirighiche, yemendiki urush biwasite we wasitilik halda 377 ming kishining ölümige seweb bolghan.
dunyadiki eng namrat döletlerning biri bolghan yemende ichki urush sewebidin küchiyip ketken insanperwerlik krizisi qorqunchluq sewiyelerge yetken.
