песков: әнглийәниң ембарголири сода-санаәтчиләр дунйасиға қилинған һуҗум

түркийә авази радийоси хәвири: русийә кремил сарийи байанатчиси дмитрий песков әнглийәниң русийә ширкәтлиригә қарши йүргүзүш еһтимали болған ембарголирини «сода-санаәтчиләр дунйасиға қилинған һуҗум» дәп атап: «бу йәрдә сода-санаәтчиләр дунйасиға қарши мәхпий тутулмиған һуҗум тоғрисида гәп қиливатимиз. бу лондонниң кишини әндишәләндүридиған байанати һесаблиниду. мениңчә пәқәт биз үчүнла әмәс, ширкәтлиримиз үчүн ейтқандиму кишини әндишәгә салиду.»

у москвада әнглийә ташқи ишлар вәзири лиз трус (Liz Truss) ниң, русийә олигархлириға, банкалириға вә енергийә ширкәтлиригә қарши ембарго йүргүзүлүши мумкинликигә мунасивәтлик байанатлири үстидә тохталди.

у лиз трусниң мәзкур қәдәмләрни ембарго дәп аташқа қошулмайдиғанлиқлирини әскәртип: «мениңчә, һәр бир нәрсигә һәқиқий исми билән хитаб қилишимиз керәк. бу йәрдә сода-санаәтчиләр дунйасиға нисбәтән мәхпий тутулмиған һуҗум тоғрисида гәп қиливатимиз» деди.

у мәзкур байанатларниң, лондонниң мәбләғ җәлп қилишиға зийан салғанлиқини илгири сүрүп: «сода-сайаһәтчиләр дунйасиға қаритилған бивастә тәһдитләрни һәр даим аңлимайсиләр. бу лондонниң кишини интайин әндишәгә салидиған бир байанати һесаблиниду. мениңчә бу пәқәт биз үчүнла әмәс, бәлки ширкәтлиримиз үчүнму кишини әндишәгә салиду.»

у русийәниң дөләт мәнпәәтлирини алдинқи орунға қойған һалда ембарголарға җаваб беридиғанлиқини тәкитлиди.

у мундақ деди؛

«йалғуз бир дөләтниң русийәниң сода-санаәтчиләр дунйасиға һуҗуми, әлвәттә өч елиш тәдбирлирини йолға қойуш керәклики мәнисини билдүриду. бу тәдбирләр өзимизниң мәнпәәтлирини алдинқи орунға қойған һалда йолға қойулиду.»