nigériyede motosiklitliq kishiler qoralliq hujum peyda qildi

türkiye awazi radiyosi xewiri: nigériye yerlik taratqulardiki xewerlerge qarighanda, motosiklit mingen kimliki namelum kishiler, kaduna ishtatigha qarashliq kurmin masarada qoralliq hujum peyda qilghan.

hujumda, 11 kishi jénidin ayrilghan, nurghun kishi yarilanghan we 30 din artuq öyge ot qoyup bérilgen.

kaduna ishtatining ichki xewpsizlik che ichki ishlar komissari samuél aruwan bayanat élan qilip, weqe yüz bergen rayongha xewpsizlik küchlirining ewetilgenlikini we qoralliq küchlerge qarshi herbiy heriketlerning bashlanghanliqini bildürdi.

nigériyede yéqinqi künlerde motosiklit miniwalghan kishilerning qoralliq hujumliri sewebidin bezi ishtatlar motosiklit minishni cheklidi.

bezi rayonlar, pat-pat charwichiliq bilen shughullinidighan fulanilar bilen déhqanchiliq bilen shughullinidighan qebililer otturisida shiddetlik toqunushlargha sehne bolidu.

kaduna ishtatida ötken yili qoralliq kishilerning qoralliq hujumida 937 kishi jénidin ayrilghan, 1972 din artuq kishi élip qéchilghan idi.

charwilirini otlitish üchün nigériyening jenubigha köchken fulanilar, déhqanlarning özlirining mal-charwilirini oghrilashqa urunuwatqanliqini we hujum qiliwatqanliqini ilgiri sürmekte.