путин түркийәдә зийарәттә болиду

русийә пирезиденти виладимир путин җумһур рәис рәҗәп таййип әрдоғанниң тәклипигә бинаән дөләт ишлири зийаритидә болуш үчүн түркийәгә келиду.

1769308
путин түркийәдә зийарәттә болиду

түркийә авази радийоси хәвири: киремил сарийи байанатчиси дмитри песков, пайтәхт москвада елан қилған байанатида, русийә пирезиденти виладимир путинниң, җумһур рәис рәҗәп таййип әрдоғанниң тәклипини хушаллиқ билән қобул қилғанлиқини, әрдоғанниң тәклипиниң, икки рәһбәр оттурисидики учришишларда күнтәртипкә кәлгәнликини тәкитләп мундақ деди: «һәм һөкүмәтләр ара комитетта һәм икки рәһбәрниң рийасәтчиликидики учришишларда бираз биз изда тохтап қелиш бар иди. шуңа, җумһур рәис рәҗәп таййип әрдоған, йуқири дәриҗилик рәһбәрләр учришишлири вә паалийәтләргә түркийәдә саһибханилиқ қилидиғанлиқини билдүргәниди. путин, әрдоғанниң бу тәклипини хушаллиқ билән қобул қилди, ‹ковид – 19› йуқумидин кейин шараит пишип йетилгән вә уйғун земин һазирланған һаман, икки рәһбәр бу тәклипниң әмәлийлишиши мәсилисидә пүтүшти.»

америка қошма иштатлириниң  русийәгә түнүгүн кечә қайтурған йазман җаваби тоғрилиқму тохталған песков, путинниң бу җавабни биваситә оқуғанлиқини, америка қошма иштатлири билән шималий атлантик әһди тәшкилатиниң, русийәниң асаслиқ  әндишилирини рәт қилғанлиқини әскәртип мундақ деди: «шу вәҗидин, үмидвар болуш үчүн анчә көп сәвәб йоқ. дәрвәқә, америка қошма иштатлири билән шималий атлантик әһди тәшкилатиниң йазма җаваблирини тәкшүрүшкә вақит кетиду. бу һәқтә алдирап йәкүн чиқармаслиқимиз керәк.»

у йәнә, москваниң, америка қошма иштатлири билән шималий атлантик әһди тәшкилатиниң җаваблириға қарита кәң хәлқ аммисиға очуқ - ашкара инкас қайтуруш тоғрулуқ қарар чиқармиғанлиқиниму сөзлиригә илавә қилди.

русийә ташқи ишлар министири сергей лавров болса, америка қошма иштатлириниң бихәтәрлик мәсилилири тоғрулуқ москваға бәргән җавабиниң иҗабий әмәсликини оттуриға қойуп мундақ деди: «америка қошма иштатлириниң җаваби, әһмийити иккинчи орунда туридиған мәсилиләрдила әстайидил сөһбәт өткүзүшни мәзмун қилиду. дәрвәқә, америка қошма иштатлириниң бәргән җавабидин кейин ташлинидиған қәдәмләр һәққидә путин қарар чиқириду.»



مۇناسىۋەتلىك خەۋەرلەر