ukraina bilen rusiye otturisidiki toqunushqa kirodiye eskerliri qatnashmaydu

türkiye awazi radiyosi xewiri: milanowich zagrébtiki bir zawut ziyariti jeryanida, «eger ukraina bilen rusiye otturisida urush yüz berse, kirodiye qandaq rol oynaydu?» dégen soalgha jawap bérip, «undaq ehwalning heqiqiy jinayetchisi bolmaydu. emma kimning ziyangha uchraydighanliqi éniq. bu sewebtin kirodiye we kirodiye armiyesi bundaq urushqa qatnashmaydu» dédi.

milanowich shimaliy atlantik ehdi teshkilatining rayongha qoshumche krodiye herbiy qisimlirini yollash telipini eslitip, «men kirodiye armiyesining bash qomandani, ukraina bilen rusiye otturisidiki toqunush keskinleshken ehwalda, kirodiye armiyesining barliq ezalirini chékindürimiz. rayonda kirodiye armiyesining bolushini xalimaymen» dédi.

milanowich bu qararning ukraina yaki rusiye bilen munasiwiti yoqliqini tekitlep, «qararimiz pütünley (amérika pirézidénti) jo baydin hökümitning we amérika ichki siyasitining dinamik küchige baghliq» dédi.

ukrainaning shimaliy atlantik ehdi teshkilatida orni yoqluqini eskertken milanowich: «ukraina iqtisadiy jehette ilgiriliyelmeywatidu, eng tereqqiy qilmighan döletlerning birige aylandi» dédi.