украина билән русийә оттурисидики тоқунушқа киродийә әскәрлири қатнашмайду

киродийә пирезиденти зоран миланович украина билән русийә оттурисидики тоқунуш кәскинләшкән әһвалда, киродийә армийәсиниң шималий атлантик әһди тәшкилатидики барлиқ әзалирини чекиндүридиғанлиқини ейтти.

1768326
украина билән русийә оттурисидики тоқунушқа киродийә әскәрлири қатнашмайду

түркийә авази радийоси хәвири: миланович загребтики бир завут зийарити җәрйанида, «әгәр украина билән русийә оттурисида уруш йүз бәрсә, киродийә қандақ рол ойнайду?» дегән соалға җавап берип, «ундақ әһвалниң һәқиқий җинайәтчиси болмайду. әмма кимниң зийанға учрайдиғанлиқи ениқ. бу сәвәбтин киродийә вә киродийә армийәси бундақ урушқа қатнашмайду» деди.

миланович шималий атлантик әһди тәшкилатиниң районға қошумчә кродийә һәрбий қисимлирини йоллаш тәлипини әслитип, «мән киродийә армийәсиниң баш қомандани, украина билән русийә оттурисидики тоқунуш кәскинләшкән әһвалда, киродийә армийәсиниң барлиқ әзалирини чекиндүримиз. районда киродийә армийәсиниң болушини халимаймән» деди.

миланович бу қарарниң украина йаки русийә билән мунасивити йоқлиқини тәкитләп, «қараримиз пүтүнләй (америка пирезиденти) җо байдин һөкүмитниң вә америка ички сийаситиниң динамик күчигә бағлиқ» деди.

украинаниң шималий атлантик әһди тәшкилатида орни йоқлуқини әскәрткән миланович: «украина иқтисадий җәһәттә илгирилийәлмәйватиду, әң тәрәққий қилмиған дөләтләрниң биригә айланди» деди.  



مۇناسىۋەتلىك خەۋەرلەر