shi jinping ottura asiyadiki 5 dölet rehberliri bilen tor yighini chaqirdi

xitay pirézidénti shi jinping ottura asiyadiki 5 dölet rehberliri bilen torda ötküzülgen bashliqlar yighinigha sahibxanliq qildi.

1768750
shi jinping ottura asiyadiki 5 dölet rehberliri bilen tor yighini chaqirdi

türkiye awazi radiyosi xewiri: xitay bilen ottura asiya döletliri otturisida diplomatik munasiwet ornitilghanliqining 30 – yilliqi munasiwiti bilen ötküzülgen bashliqlar yighinigha qazaqistan pirézidénti qasim jomert toqayéw, qirghizistan prézidénti sadir japarow, tajikistan prézidénti imameli raxman, özbékistan pirézidénti shewket mirziyoyéw we türkmenistan pirézidénti qurbanguli berdimohemmedow qatnashti.

shi jinping xitay we ottura asiya döletlirining yéqinqi 30 yilda xelqaraliq munasiwetlerde ülge bolidighan yaxshi munasiwetlerni tereqqiy qildurghanliqini bildürüp,  bu muweppeqiyetning sirining öz-ara hörmet, yaxshi qoshnidarchiliq, qiyin waqitlarda hemkarlishish we öz-ara menpeet yetküzüshni asas qilidighanliqini éytti.

shi jinping xitayning rayonning muqimliqi we tereqqiyatini qollaydighanliqini tekitlep, «xitayning qanchilik chongiyishidin yaki xelqara sharaitning qanchilik özgirishidin qetiy nezer, xitay ottura asiya döletliri ishinidighan yaxshi qoshna, shérik we qérindash dölet bolushni dawamlashturidu» dédi.

xitayning ottura asiya döletliri bilen bolghan munasiwetlirini téximu tereqqiy qildurushni we birlikte ortaq bir kelgüsi berpa qilishni xalaydighanliqini bildürgen shi jinping  kowid-19 waksinisi, dora we yuqumdin mudapielinish matériyalliri bilen teminleshte rayondiki döletlerge yardem bérishke wede qildi.

shi bu yil ottura asiya döletlirige 50 milyon waksina yardem qilidighanliqini tekitlep, buningdin bashqa yene rayondiki döletlerge bu sahe boyiche téxnika we ilim -pen yötkeshnimu nishan qilidighanliqini otturigha qoydi.

shi jinping xitay bilen ottura asiya döletliri otturisidiki sodining musteqil bolghandin kéyinki 30 yilda 100 hesse ashqanliqini, béyjing dairilirining rayondiki döletlerge salghan biwasite meblighining 14 milyard dollargha yetkenlikini eskertti.

xitayning 2013-yili qazaqistanda ötküzülgen bir yighinda tunji qétim otturigha qoyghan bir belwagh bir yol teshebbusi dairisidiki layihelirining xitay bilen ottura asiya döletliri otturisidiki iqtisadiy munasiwetni tereqqiy qildurushning achquchi ikenlikini tekitligen shi jinping, xitayning chong bazirini ottura asiya mehsulatliri üchün échishqa teyyar ikenlikini we ikki tereplik sodini 2030-yilgha barghanda 70 milyard dollargha yetküzüshni nishan qilghanliqini bildürdi.



مۇناسىۋەتلىك خەۋەرلەر