б д т сүрийәдә чедирлири өрүлүп чүшкән панаһланғучиларға җиддий йардәм қилиш чақириқида болди

бирләшкән дөләтләр тәшкилати сүрийәниң ғәрбий шималида 1000 ға йеқин чедирниң қаттиқ қар йеғиши сәвәбидин өрүлүп чүшкәнликини вә өй- маканидин айрилған сүрийәликләрниң қаттиқ соғуқта интайин қийин әһвалға дуч кәлгәнликини елан қилди.

1767800
б д т сүрийәдә чедирлири өрүлүп чүшкән панаһланғучиларға җиддий йардәм қилиш чақириқида болди

түркийә авази радийоси хәвири: б д т ниң сүрийә районлуқ инсанпәрвәрлик муавин маслаштурғучиси марк кутс синлиқ тор арқилиқ чақирған мухбирларни күтүвелиш йиғинида, сүрийәниң ғәрбий шималидики һава температурисиниң төвәнлиши сәвәбидин чедирда туруватқан сүрийәликләрниң турмуш шараитиниң интайин қийинлашқанлиқи тәрәпкә һәмминиң диққитини тартти.

қаттиқ қар йеғиши сәвәбидин тәхминән 1000 чедирниң өрүлүп чүшкәнликини байан қилған кутс, шиддәтлик соғуқниң 250 миң сүрийәликкә еғир тәсир көрситиватқанлиқини билдүрди.

кутс инсанпәрвәрлик йардәм хадимлириниң өрүлүп чүшкән чедирларниң астидин сүрийәликләрни тартип чиқарғанлиқини тилға елип,  нурғун сүрийәликләрниң чедиридики қарларни қоллири билән тазилашқа тиришиватқанлиқини ейтти.

кутс қишлиқ айиғи йоқ балиларниң сапма кәшләр билән қар вә муз үстидә меңиватқанлиқини әскәртип, бултур сүрийәгә керәкликболған 4 милйард долларлиқ йардәм фондиниң аран 45% нила топлийалайдиғанлиқини вә хәлқара җәмийәтниң йардәмни көпәйтиши керәкликини тәкитлиди.



مۇناسىۋەتلىك خەۋەرلەر