нусрәт ғәни әнглийәдә мусулман болғанлиқи үчүнла министирлиқтин елип ташланғанлиқини ейтти

әнгилийәдә консерватиплар партийәсиниң әзаси нусрәт ғәни «мусулман болғанлиқи хизмәтдашлирини биарам қилған» дегән баһанә билән министирлиқтин елип ташланғанлиқини  ейтти.

1766889
нусрәт ғәни әнглийәдә мусулман болғанлиқи үчүнла министирлиқтин елип ташланғанлиқини ейтти

түркийә авази радийоси хәвири: нусрәт ғәни «йәкшәнбә вақит гезити» гә авиатсийә вә деңиз тирансипорт ишлириға мәсул дөләт министирлиқи вәзиписидин 2020-йили февралда елип ташланғанлиқи һәққидә байанат бәрди.

нусрәт ғәни баш министирлиқтики бир йиғинида, партийә гурупписи рәһбәрлиридин бириниң униңға мусулман болғанлиқиниң чоң мәсилә сүпитидә оттуриға қойулғанлиқини ейтқанлиқини тилға елип мундақ деди:

«кабинет өзгиришидин кейин партийә гурупписи рәһбәрлири билән елип барған йиғинда, мени вәзипидин елип ташлаш қарариниң арқисидики чүшәнчә вә өзгиришкә алақидар 10-номурлуқ (баш министирлиқ)  ишханисида исмим тилға елинғанда, униң руһи һалитиниң қандақ болғанлиқини соридим. баш министирлиқтики кабинет өргәртиш йиғинида, мениң мусулманлиқимниң чоң мәсилә сүпитидә оттуриға қойулғанлиқини, мениң мусулман айал министир болуштәк салаһийтимниң кәспдашлиримни биарам қилғанлиқини вә партийәгә қаритилған исламға өчмәнлик қилиш әйибләшлиригә йетәрлик тақабил туралмиғанлиқимни, шуңа партийәгә садиқ әмәсликимдин әнсирәшләрниң барлиқини  ейтти»

нусрәт ғәни өзини хорлуққа учриғандәк күчсиз һес қилидиғанлиқини байан қилип, әгәр бу мәсилини күнтәртипкә елип кәлгән тәқдирдә, хизмәтдашлири тәрипидин чәткә қеқилидиғанлиқи вә кәспи салаһийити билән кишилик инавитиниң йоқилидиғанлиқиға даир агаһландурушлардин кейин сүкүт қилғанлиқини билдүрди.

нусрәт ғәниниң байанати «баш министир борис җонсонға қарши парламент әзалириға вә министирларға мәслиһәтчиләр тәрипидин тәһдит селинди» дегән әйибләшләрдин кейин елан қилинди.

нусрәт ғәни тереса мейниң баш министирлиқ дәвридә, 2018-йили йанварда министирлиқ вәзиписигә тәйинләнгән болуп, җонсон 2019-йили 12-декабирдики сайламда утуп чиқип, бир нәччә айдин кейинла нусрәт ғәнини кабинет сиртида қалдурған иди.



مۇناسىۋەتلىك خەۋەرلەر