америка: сәуди әрәбистанға қорал – йарағ сетишни тохтатмаймиз

америка қошма иштатлири сәуди әрәбистанға қорал – йарағ сетип беришни тохтатмайдиғанлиқлирини билдүрди.

1766649
америка: сәуди әрәбистанға қорал – йарағ сетишни тохтатмаймиз

түркийә авази радийоси хәвири: ақсарай, америка қошма иштатлириниң сәуди әрәбистанниң кишилик һоқуқ дәпсәндичиликлири тоғрисида әндишилириниң барлиқини, әмма бу дөләткә қорал – йарағ сетип бериш мәсилисиниң һазирчә күнтәртиплиридә йоқлуқини җакарлиди.

ақсарай байанатчиси йен псаки, америка қошма иштатлириниң сәуди әрәбистанға қорал – йарағ сетишни тохтитиш мәсилисидә һәр қандақ бир тәшәббуста болуп болмайдиғанлиқиға алақидар соалға мундақ җаваб бәрди: «бу мәсилә һазирчә күнтәртиптә әмәс, сәуди әрәбистан билән узун йиллиқ дипломатик мунасивәтлиримиз бар, кишилик һоқуқ дәпсәндичиликлири вә башқа көплигән мәсилиләргә алақидар әндишилиримәзни сәуди әрәбистанға йәткүздуқ, сәуди әрәбистан билән америка қошма иштатлириниң мәнпәәтигә уйғун мунасивәтлиримиз бар.»

сәуди әрәбистан башчилиқидики иттипақдаш күчлириниң, йәмәнниң ғәрбидики һудәйдә вилайитигә қилған һава һуҗумида көп санда кишиниң һайатидин айрилғанлиқини әскәрткән псаки, мундақ дәп көрсәтти: «мәсум инсанларниң өлүмигә йол ачидиған һәр бир вәқә тирагедийәдур, бу мәсилидә интайин сәзгүрмиз.»



مۇناسىۋەتلىك خەۋەرلەر