nigériyede xelqning% 60 i toktin  mehrum

türkiye awazi radiyosi xewiri:  énérgiye mutexessisi we nigériye döletlik énérgiye komitétining sabiq bash diréktori ebubekir sani sambo, nigériyeliklerning% 60 tin köprekining tok mulazimitidin mehrum ikenlikini eskertish bilen bir waqitta, nigériyediki tok bilen teminleshning kemchil bolushidin endishe qiliwatqanliqini, dölettiki énérgiye sahesining qiyin ötkelge duch kélishining, siyasetning birdek bolmasliqi we yolgha qoyuluwatqan belgilimining netijisi ikenlikini, shunga, nigériyening öz xelqi üchün tok ishlepchiqirish menbelirige sahib bolushining zörürlükini tekitlep mundaq dédi: «dunyadiki tereqqiy qiliwatqan we tereqqiy tapqan bashqa döletlerge oxshash, bizmu mol quyash énérgiyesi üstide izdinip, tok hasil qilalaymiz.»

u, énérgiye sahesidiki alaqidar tereplerni yerlik, ishtatliq we fédératsiye sewiyeliride bashqa énérgiyelerge nezer tashlashqa, shundaqla, nigériyening yerlik menbeliri we qiyinchiliqlirini yéngishni  asas qilidighan tetqiqat paaliyetlirini teshwiq qilishqa chaqirdi.

mutexessislerning qarishiche, nigériyede nopusning künséri köpiyip kétishidin sirt yene, tok sistémisining bolmasliqi sewebidinmu, yéqinqi 12 yilda ormanlarning yérimi weyran bolghan.

igilinishiche, tok ishlepchiqirishta qiyinchiliqqa duch kéliwatqan nigériyening nurghun jaylirida pat – pat tok üzülüp qalidiken.

künige ottura hésab bilen 4 saet tok mulazimitige érisheleydighan xelqning köpinchisi énérgiye éhtiyajini génératorlar arqiliq qanduridiken.