ispaniyede yashanghanlar sanatoriyeside yüz bergen ot apitide, 5 kishi qaza qildi

ispaniyening sherqidiki bir yashanghanlar sanatoriyeside ot apiti yüz bérip, 5 yashanghan kishi jénidin ayrildi.

1765020
ispaniyede yashanghanlar sanatoriyeside yüz bergen ot apitide, 5 kishi qaza qildi

 

türkiye awazi radiyosi xewiri: ispaniyening sherqidiki walénsiye shehirige qarashliq monkada rayonigha jaylashqan yashanghanlar sanatoriyeside ot apiti yüz bérip, 5 yashanghan kishining jénidin ayrilghanliqi we 11 kishining yarilanghanliqi shundaqla yarilanghanlardin  3 kshining ehwalining éghir ikenliki élan qilindi.

walénsiye aptonom rayonluq hökümet dairiliri élan qilghan bayanatta, tok liniyesidin kashila chiqishi sewebidin ot apiti yüz bergenliki we texminen 60 kishi turushluq yashanghanlar sanatoriyesining tarqaqlashturulghanliqi bildürüldi.

bina ichining qisqighine waqit ichide is-tütek bilen qaplanghanliqi, ot öchürüsh xadimliri yétip kelgiche ichide qalghan 5 yashanghan kishining jénidin ayrilghanliqi we 11 kishining doxturxanida balnéstqa élinghanliqi uqturuldi.

doxturxanida dawalanghan yaridarlardin 3 kishining ehwalining éghir ikenliki eskertildi.

shu yerning waqti 23.20 de yüz bergen we 01.20 de kontrolluq astigha élinghan ot apitige munasiwetlik tekshürüshler bashlandi.



مۇناسىۋەتلىك خەۋەرلەر