péruda 80 port taqaldi
awistiraliyening sherqidiki aral döliti tongada, 15-yanwar yüz bergen yanar tagh partlash weqesidin kéyin, péru déngiz qirghiqida dolqun hejimining chongiyishi sewebidin 80 port taqaldi.
türkiye awazi radiyosi xewiri: péru metbuatliridiki xewerlerge asaslanghanda, dairiler déngiz tashqinining tesiride déngiz sahili rayonlirida binormal dolqunlar körülgenliki we aldini élish tedbirliri yolgha qoyulghanliqi bildürülgen.
péru döletlik xelq mudapie instituti ghayet zor dolqunlarning dawamlashqanliqini tekitlep, döletning shimal, jenub we ottura rayonlirigha jaylashqan 80 portning waqitliq taqalghanliqini élan qilghan.
déngiz sahili rayonlirida yashaydighan kishilerni sahildin yiraq turushqa chaqirghan dairiler, béliqchiliq, tenterbiye we köngül échish paaliyetlirining toxtitilghanliqini eskertken.
tongada yanar tagh partilash weqesidin kéyin amérika, kanada we chili üchün déngiz tashqini agahlandurushi élan qilghan idi.
alaqidar tarmaqlar 16-yanwarda döletning shimalidiki lambéké déngiz sahilida 2 kishining ghayet zor dolqunlar sewebidin qaza qilghanliqini élan qilghan idi.
