nato: 5-maddining ijra qilinish éhtimali bar

shimaliy atlantik ehdi teshkilati — nato alem boshluqi tehditlirining ittipaqning 5-maddisining yolgha qoyulushini keltürüp chiqirish mumkinchiliki barliqini bildürdi.

1764427
nato: 5-maddining ijra qilinish éhtimali bar

türkiye awazi radiyosi xewiri: düshenbe küni özining uniwérsal alem boshluqi siyasitini amma bilen ortaqlashqan nato, ezalirining bixeterliki we parawanliqi üchün alem boshluqning künséri muhimlishiwatqanliqini otturigha qoydi.

bayanatta, alem boshluqning déhqanchiliqtin qatnashqiche, ilim - pendin uchur - alaqighiche bolghan nurghun sahelerge töhpe qoshuwatqanliqigha isharet qilindi.

alem boshluqi tehditlirigimu orun bérilgen uniwérsal alem boshluqi siyasiti tékistide, ötken yili bélgiyede ötküzülgen biryussél bashliqlar yighinida, ittipaqdash döletlerning alem boshluqidiki yaki alem boshluqini arqa körünüsh qilghan hujumlarning éniq «doél élan qilish» bolidighanliqi mesiliside hempikir ikenliki eslitip ötüldi, hemde natoning 5-maddisining ijra qilinish éhtimali barliqi yene bir qétim tekitlendi.

nato 2019-yili alem boshluqini «heriket rayoni» dep élan qilghan, shu yili amérika alem armiyesini ayrim herbiy qisim süpitide qurup chiqqanidi.

5-maddigha asasen, eger natogha eza her qandaq bir dölet hujumgha uchrisa, bu hujum natogha eza barliq döletlerge qilinghan hujum, dep qarilidu.


خەتكۈچ: #uyghurche , #nato

مۇناسىۋەتلىك خەۋەرلەر