yemen wekili b d t xewpsizlik kéngishini yemenge izchil yardem qilishqa chaqirdi

türkiye awazi radiyosi xewiri: b d t yemen alahide wekilining ishxanisi xans grandbérgning b d t xewpsizlik kéngishini yemenge yardem qilishqa chaqirghanliqi toghrisida bayanat élan qildi.

bayanatqa asaslanghanda, grandbérg engliyening ottura sherq we shimaliy afriqa ishlirigha mesul dölet ministiri jéymis kléwérli we bir qatar yuqiri derijilik emeldarlar bilen körüshüp, engliye ziyaritini axirlashturghan.

grandbérg engliye emeldarliri bilen körüshkende, yemendiki yamanlishiwatqan iqtisadiy weziyetning, yéqinqi künlerde yüz bergen herbiy jiddiychilik we toqunushuwatqan terepler otturisidiki ixtilaplargha, tinchliq usulida adil hel qilish charisi tépish pursiti yaritishqa körsitiwatqan selbiy tesirlirini muzakire qilghan.

u: «yemendiki terepler muzakire yoli bilen zorawanliqlarni azaytishni we mesilini keng dairide hel qilish charisi tépish meqsitide siyasiy diyalog musapisige qedem bésishi kérek» dédi.

u b d t ning bu musapini qollashqa teyyar ikenlikini bildürüp, xelqaraliq jemiyetning we xewpsizlik kéngishige eza döletlerning yemenge izchil yardem qilishining, tirishchanliqlarning muweppeqiyetke érishishi üchün shert ikenlikini alahide tekitlidi.