шивийетсарийәлик журналист п к к ниң йавропадики қийин - қистаққа елиш қилмишлирини паш қилди

түркийә авази радийоси хәвири: «бернер зейтуң» гезитиниң мухбири пелда,  «биелдики бир пиззачиниң искилатидики қийнаш усуллири» намлиқ хәвиридә, шивейтсарийә даирилириниң п к к билән болған мунасивәтлирини оттуриға қойди.

шевитсарийәлик журналистниң илгири сүрүшичә, исми айдин к ға өзгәртилгән вә  бир ресторанда пиззачилиқ билән шуғуллиниватқан қийин – қистақ қурбани, п к к әзаси алтә террорчи тәрипидин алтә саәттин артуқ сорақ қилинған вә өлтүрүлидиғанлиқи тоғрисида тәһдиткә учриған.

районлуқ тәптиш мәһкимиси мупәттишиниң бу һәқтики әйибнамиисидә, п к к әзаси алтә кишиниң 2019 – йили майда бир ресторанниң искилатида айдин к ға «рәһимсизләрчә қийнаш», «мәҗбурий иқрар қилишқа қисташ» вә «уруш»тәк қилмишларни садир қилғанлиқи оттуриға қойулған.

террорчилар бу қилмишларни, айдин к.ни түркийәдә қолға елинған п к к әзаси бир ресторан хоҗайинини сақчиларға мәлум қилди, дегән әйибләп садир қилған؛ айдин к. болса әйибләшләрни рәт қилған.

тәптиш мәһкимисиниң әйибләшнамисидә, п к к гумандарлириниң айдин к.ни пиззачиниң соғуқ сақлаш искилатиға икки қетим 10 минут әтрапида солап қойғанлиқи, зийанкәшликкә учриғучиға «барлиқ сөңәклирини сундуруп, парчиливетидиғанлиқи, әтиси әтигәнгичә тоңлатқуда қойуп қойдиғанлиқи»ни ейтип қайта - қайта тәһдит салғанлиқи, һәтта пәрзәнтлирини фото – сүрәтлирини көрситип туруп, уларға зийанкәшлик қилиш билән қорқутқанлиқи оттуриға қойулди.

журналист пелда, қийин - қистаққа қатнашқан 6 кишиниң 4 нәпириниң сотқа тартилғанлиқини, кимлики ениқлиналмиған бир киши билән дәниз д.ниң дөләт тәвәликидин қечип кәткәнликини йазди.

пелда шивейтсарийә даирилириниң бу делоға қарита қолланған тәдбирлиригә «дәталашлиқ» дәп баһа берип, шивейтсарийә даирилириниң тәшкилатниң йуқири дәриҗилик әзаси дәниз д. билән йәнә бир кишиниң қечип кетишидә җавабкарлиқи барлиқини илгири сүрди.

пелда шивейтсарийә- п к к мунасивитигә орун берилгән хәвиридә: «кимлики ениқлиналмиған қийин – қистақчиларниң бири билән дәниз к қечип йүрмәктә. бу тасадипийлиқ әмәс пиззачидики вәқәдин ғәзәпләнгән бир федератийәси хадими, шиветсийарийәдики п к к рәһбәрлик қатлими билән алақилишип уларни агаһландурди. шуниңдин кейин, дәниз д. дәрһал нәрсә - керәклирини чамаданни йиғиштуруп чәт әлгә қечип кәтти. биел тәптиш әмәлдари дәсләптә пәқәт дөләт тәвәликидә тутуш буйруқи чиқарди, дәниз д. бу сәвәбтин қечип кетәлиди. даириләрниң п к к ни очуқ - ашкара шәкилдә паш қилишни халимайдиғанлиқиға даир нурғун ишарәтләр бар» дегәнләрни қәйт қилди.