пакистанда 16 киши тоңлап өлди

пакистанниң мурре шәһиридә қаттиқ қар йеғиш сәвәбидин аптомобиллирида қапсилип қалған 16 киши тоңлап қаза қилди.

1759332
пакистанда 16 киши тоңлап өлди

түркийә авази радийоси хәвири: пакистан таратқулириниң хәвәр қилишичә, пайтәхт исламабадниң 70 километир йирақлиқиға җайлашқан мурре шәһиридә вә галийат районида, түнүгүн кәч тәрәпләрдин етибарән йеғишқа башлиған қаттиқ қар сәвәбидин аптомобиллирида қапсилип қалған 16 киши тоңлап қаза қилған.

ички ишлар министири шәйх рашид әһмәд, һәптә ахири дәм елишта районда аптомобилларниң көплүки сәвәбидин қатнашниң ақсап қалғанлиқини вә бу әһвални контрол астиға елиш үчүн давамлиқ хизмәт ишлиниватқанлиқини әскәртти.

игилинишичә, сайаһәт райониға, шәһәр сиртидин 125 миңдин артуқ аптомобил киргән.



مۇناسىۋەتلىك خەۋەرلەر