sudandiki namayishlarda jénidin ayrilghanlar sani köpeymekte

türkiye awazi radiyosi xewiri: sudanda armiye hakimiyetni ötküzüwalghan 25-öktebir (2021) din buyan ötküzülüwatqan namayishlarda, xewpsizlik küchlirining basturushi netijiside 60 kishining jénidin ayrilghanliqini bildürdi.

sudan merkiziy doktorlar komitétining bayanatida, tünügün (2022-yili 6-yanwar) ötküzülgen namayishlarda xewpsizlik küchlirining oq chiqirishi netijiside, umdurman shehiride ikki, bahri rayonida bir kishining jénidin ayrilghanliqi qeyt qilindi.

bayanatta, buning bilen, 25-öktebir (2021) din buyan delillengen ölüm sanining 60 qa chiqqanliqi eskertildi.

xewpsizlik küchliri qarshiliq körsitish komitétlirining chaqirqi bilen paytextning nurghun jaylirida namayishchilargha awaz we yash aqquzush bombisi étip, yuqiri bésimliq su chéchip tarqitiwétishke urunghan idi.

sudan dairiliri namayishlardin burun paytextke tutishidighan köwrüklerde qatnashni toxtitip, téléfon we intérnétni üzüwetken idi.