dunya sehiye teshkilati: omikron axirqi wariyant emes
dunya sehiye teshkilati wuxen wirusi (Kovid-19) omikron wariyantining axirqi wariyant emeslikini, belki dawamliq özgiriwatqanliqini bildürdi.
türkiye awazi radiyosi xewiri: dunya sehiye teshkilatining diréktori tédros adxanom ghébréyésus (Tedros Adhanom Ghebreyesus) teshkilatning jenwediki merkizide, dunya sehiye mutexessisliri bilen ötküzgen yéngi yil (2022) ning birinchi qétimliq axbarat élan qilish yighinida, ötken hepte waba bashlanghandin buyan wirusqa munasiwetlik weqeler eng köp yüz bergenlikini éytti.
u bolupmu, waksina emlengen kishiler wuxen wirusining omikron wariyanti bilen yuqumlanghanda, délta wariyantigha sélishturghanda, késellik alamitining yenggil bolidighanliqini, shundaq bolsimu «yenggil» dep türge ayrishqa bolmaydighanliqini qeyt qildi.
u mundaq dédi:
«ilgiriki wariyantlarda körülginige oxshash, omikron wariyantimu kishilerni doxturxanida yétishqa mejbur qilidu we öltüridu, éghir tesir peyda qilidu, nahayiti téz tarqilidu we dunyadiki sehiye sistémilirigha chong tesir qilidu.»
dunya sehiye teshkilatining wuxen wirusigha qarshi turush xadimlirining bashliqi mariya wan kérxow (Maria Van Kerkhove) omikrongha munasiwetlik soallargha jawab bérip, wirusqa qarshi yasalghan waksinalarning hemmisining bu wariyantqa nisbeten ünümining yuqiri ikenlikini eskertti.
u waksinalar sayisida omikron wariyantining éghir késel peyda qilmighanliqini bildürdi we kishilerni waksina emlitishke chaqirdi.
u omikronning wuxen wirusining axirqi wariyanti bolmaydighanliqi toghrisida agahlandurup: «nahayiti epsuski omikron axirqi wariyant bolmaydu, dawamliq özgiriwatidu» dédi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.