shiende yémek-ichmekke nerse-kérekler almashturulmaqta
xitayda wuxen wirusi (Kovid-19) sewebidin 23-dékabir (2021) din tartip karantin tedbirliri ijra qiliniwatqan shien shehiride, xitay xelqi kündilik yémek éhtiyajlirini qamdash üchün nerse-kéreklirini özara almashturmaqta.
türkiye awazi radiyosi xewiri: kirish-chiqish cheklengen 13 milyon nopusluq shien shehiride, 28-dékabirdin tartip karantin astida turuwatqan xelqqe yardem qilish üchün asasliq yémeklik eshyaliri tarqitilmaqta. emma, bezi kishilerning yémek-ichmeklirining tügigenliki we yardemge érishelmigenliki toghrsidiki xewerler ijtimaiy taratqularda tarqilishqa bashlidi.
wéybo torida, karantin astida turuwatqanlarning yémek-ichmek üchün tamaka, taziliq matériyalliri we hetta éléktronluq buyumlirini yémeklikke almashturuwatqanliqi toghrisidiki xewerler tarqaldi.
bir kishining tor oyun supisini bir bolaq teyyar chöp we ikki mantigha almashturghanliqi, nurghun kishiler teripidin hembehrlendi.
shiende 9-dékabir (2021) din buyan wuxen wirusigha munasiwetlik weqe sani 1793 ke chiqti.
shien sehiye komitétining muawin bashliqi ma guangxuy axbarat élan qilish yighinida, karantin netijiside wuxen wirusigha munasiwetlik künlük weqe sanining bir xaniliq sangha chüshürülgenlikini we kishilerning arisida tarqilishini yuqiri sewiyede kontrol astigha alghanliqlirini bildürdi.
