shimaliy koréye eskerlerdin dölet rehbirini qan tékip qoghdashni telep qildi

türkiye awazi radiyosi xewiri: kimning armiye bash qomandani bolghanliqining 10 - yilliqida, koréye ishchilar partiyesining resmiy neshir  orgini «rodong sinmon» gézitide élan qilinghan maqalide, eskerler we qomandanlarning rehbirini jénini tékip qoghdayghan, mustehkem qele we oq ötmes  sipilgha oxshash bolushi kérekliki bildürüldi.

maqalide dölet we xelqning ishenchlik qoghdighuchisi süpitide xizmet qilidighan téximu zamaniwi we ilghar armiye qurush chaqiriqi élan qilindi.

uningdin bashqa yene, shimaliy koréye herbiy qisimliri we xelqning küchlük sotsiyalistik dölet qurush üchün kimning rehberlikini qollishi kérekliki bildürüldi.