чәт әл күчлири ирақтин чекинди

ирақ америка башчилиқидики хәлқара иттипақдаш күчлириниң  террорлуқ тәшкилати даешқа қарши күрәш қилиш вәзиписиниң ахирлашқанлиқини, барлқ күчләрниң дөләттин пүтүнләй чиқип кәткәнликини билдүрди.

1754480
чәт әл күчлири ирақтин чекинди

түркийә авази радийоси хәвири: ирақ баш министири мустафа әлқазими, аммиви ортақлишиш тор бети Twitter сәһиписидә елан қилған байанатида, америка қошма иштатлири башчилиқидики хәлқара иттипақдаш күчлириниң  террорлуқ тәшкилати даешқа қарши күрәш һәм уруш қилиш вәзиписиниң ахирлашқанлиқини, барлқ күчләрниң вә уруш әслиһәлириниң дөләттин пүтүнләй чиқип кәткәнликини, хәлқара иттипақдаш күчлириниң буниңдин кейинки вәзиписиниң, америка қошма иштатлири билән ирақ оттурисидики истиратегийәлик дийалогларниң нәтиҗилиригә асасән, пәқәт қоллаш вә тәвсийәләрдә болуш биләнла чәклинидиғанлиқини әскәртиш билән бир вақитта, террорлуқ тәшкилати даешқа қарши күрәш иттипақдаш күчлири қоманданлиқ иштабиға, иттипақдаш күчлиридики дөләтләр, қошна әлләр вә иттипақдаш дөләтләргә миннәтдарлиқ билдүрди, ирақ күчлириниң хәлқини қоғдашқа тәййар икәнликини тәкитлиди.

террорлуқ тәшкилати даеш, 2014 – йили ийун ейида, ирақниң мусул, салаһидин вә әнбар вилайәтлириниң пүткүл қисмини, дийалә вә кәркүк вилайәтлириниң бир қисмини қолға киргүзүвалған, мәзкур районлар кейинки йилларда даештин қайтурувелинғаниди.

америка қошма иштатлири башчилиқидики иттипақдаш күчлири, 2014 – йилдин буйан ирақ күчлирини әшйа обороти, ахбарат вә һава һуҗумлири билән қоллап келиватқаниди.

бағдад вә вашингтон һөкүмәтлири, ийул ейида ирақтики хәлқара иттипақдаш күчлиригә қарашлиқ қисимларниң йил ахирлириғичә дөләттин чекиниши тоғрулуқ бирдәклик һасил қилғаниди.

иттипақдаш күчлири билән ирақ, 9 – декабир күни, ирақтики вәзиписи ахирлашқанлиқи үчүн, иттипақдаш күчлириниң дөләттин чекинип чиқип кәткәнликини уқтурғаниди.



مۇناسىۋەتلىك خەۋەرلەر