ئامېرىكا ئافرىقا دۆلەتلىرىگە قاراتقان ساياھەت چەكلىمىسىنى بىكار قىلىشنى پىلانلىماقتا

تۈركىيە ئاۋازى رادىيوسى خەۋىرى: ئامېرىكا تاراتقۇلىرىنىڭ ئاقساراينىڭ يۇقىرى دەرىجىلىك ئەمەلدارلىرىنى مەنبە قىلغان خەۋىرىگە قارىغاندا، بايدىن ھۆكۈمىتى ئومىكرون سەۋەبىدىن 7 ئافرىقا دۆلىتىگە قويغان ساياھەت چەكلىمىسىنى بىكار قىلىدىكەن.

ۋىرۇسنىڭ ئومىكرون ۋارىيانتى ئامېرىكادا تېز تارقىلىپ، ئاساسلىق ۋارىيانتقا ئايلانغانلىقىغا ئىشارەت قىلغان ئەمەلدارلار، نۆۋەتتە بۇ چەكلىمەنىڭ ئورۇنسىز ئىكەنلىكىنى كۆرسەتكەن.

بۇنىڭغا ئاساسەن، ئامېرىكانىڭ جەنۇبى ئافرىقا، بوتسۋانا، زىمبابۋې، نامىبىيە، لېسوتو، ئېسۋاتىنى، موزامبىك ۋە مالاۋىغا قويغان ساياھەت چەكلىمىسى 31 - دېكابىردىن باشلاپ بىكار قىلىنىدىكەن.

چەكلەش دائىرىسىدە، ئامېرىكا پۇقراسى ياكى ئاھالىسى بولمىغان كىشىلەر بۇ دۆلەتلەردىن ئامېرىكاغا بارالمايتتى.

بايدىن 12 - ئاينىڭ 21 - كۈنى ئافرىقا دۆلەتلىرىگە قويغان ساياھەت چەكلىمىسىنى بىكار قىلىشنى ئويلىشىۋاتقانلىقىنى ئېلان قىلغانىدى.