shentop mehmet fatih medrisesini ziyaret qildi

türkiye büyük millet mejlisi (parlaménti) bashliqi mustafa shentop qaratagh ziyariti dairiside tuzi shehiridiki mehmet fatih medrisesini ziyaret qildi.

1752019
shentop mehmet fatih medrisesini ziyaret qildi

türkiye awazi radiyosi xewiri: türkiye büyük millet mejlisi bashliqi mustafa shentop qaratagh islam birleshmisining bashliqi rifat feyzich, türkiyening podgoristada turushluq bash elchisi songul ozan we bashqa mesul xadimlarning hemrahliqida tuzi shehiridiki mehmet fatih medrisesini ziyaret qildi.

u aldi bilen, mehmet fatih medriseside oquwatqan oqughuchilardin hal soridi.

u qarataghning köp medeniyetlik we köp milletlik dölet ikenlikini xatirilitip, türkiyede boshnaq we alban qatarliq oxshimighan milletke mensup kishilerning yashaydighanliqini؛ ularning türkiyede qérindash ikenlikini eskertti.

u mundaq dédi:

«bizning bir signalimiz bar. pütkül dunyada kishiler tinchliq ichide, özlirining étiqadlirigha asasen yashiyalaydighan muhit yaritish. osmanli döliti yüz yillarche balqan jughrapiyeside hökümranliq qilip, bu yerlerni bashqurghan waqitta, bu jaylarda yashaydighan oxshimighan milletlerge mensup kishilerning hemmisi özining milliy kimlikini we jemiyetlirini, dinlirini qoghdighan, ibadetxaniliri yüz yillar boyiche saqlinip qalghan. osmanli döliti u chaghlarda dunyaning eng chong küchi bolup, yaxshi jari qildurghan we hazirmu dunya ülge alidighan idare-organliri, shundaqla maarip organliri bolghan dölet idi.»

u tuzi shehiride türkiye hemkarliq we kordinatsiye idarisi-tika (TİKA)  teripidin rémont qilinghan tuzi nizam jamesini ziyaret qilip, qaratagh islam birleshmisining bashliqi rifat feyzichtin melumat aldi.

mustafa shentop resmiy uchrishishlarda bolghan podgoristada gorija partizan heykilige, natsistlar mezgilidiki qurbanlarni xatirilep gülchembirek qoydi.



مۇناسىۋەتلىك خەۋەرلەر