mustapa shentop qarataghning paytexti podgoritsagha yétip bardi

türkiye awazi radiyosi xewiri: türkiye büyük milliy mejlisi (parlaménti) reisi mustapa shentop hemraqliqidiki parlamént ezaliri heyiti bilen birge shimaliy makédoniye, sérbiye we qarataghni öz ichige  alghan resmiy xizmet ziyaritining üchinchi békiti süpitide qarataghning paytexti podgoritsagha yétip bardi.

mustapa shentopni podgoritsa ayrodromida qaratagh parlaménti reisi aléksa béchich, türkiyening podgoritsada turushluq bash elchisi sungul ozan, qaratagh islam birliki reisi rifat feyzich we alaqidar mesullar qarshi aldi.

türkiye büyük milliy mejlisi (parlaménti) reisi mustapa shentop qaratagh parlaménti reisi béchich teripidin resmiy murasim bilen qarshi élinidu.

bu dairide, türkiye büyük milliy mejlisi (parlaménti) bilen qaratagh parlaménti otturisida parlaméntlar ara hemkarliq kélishimnamisi imzalinidu.

mustapa shentopning uchrishishliri dairiside, qaratagh pirézidénti milo jukanowich we bash ministiri zidrawko kriwokapich ​​bilenmu körüshishi mölcherlenmekte.