haytidiki partlashta qaza qilghanlar sani 90 gha yetti
haytining shimaligha jaylashqan kap – haytién shehiride yüz bergen yéqilghu yötkesh aptomobili partlash weqeside jénidin ayrilghanlar sani 90 gha yetti.
türkiye awazi radiyosi xewiri: rayon taratquliri, 14 - dékabir yüz bergen shiddetlik partlashtin kéyin hayatidin ayrilghanlar sanining dawamliq köpiyiwatqanliqini xewer qildi.
alaqidar tarmaqlar, qaza qilghanlar sanining yéngidin 15 kishining qoshulushi bilen 90 gha köpeygenlikini, yarilinish ehwali éghir bolghan nurghun kishilerni dawalash xizmetlirining dawam qiliwatqanliqini uqturdi.
yene bir tereptin, dölettiki qoralliq guruppilar yolgha qoyghan qamal we saqliniwatqan bixeterlik mesililiri sewebidin 700 ming kishining jiddiy insanperwerlik yardimige mohtaj ikenliki we éghir yéqilghu kirizisi yüz bergenliki bildürüldi.
hayti bash ministiri ariél hénri mezkur partlashtin kéyin pütün memliket miqyasida üch künlük «resmiy matem» élan qilinghanliqini jakarlighanidi.
