америка билән русийәниң мәслиһәтчилири русийәниң тәклиплирини музакирә қилди

түркийә авази радийоси хәвири:  русийә пирезидентлиқ сарийи- кремил байанатчиси дмитрий песков кремилниң ташқи сийасәт мәслиһәтчиси йурий ушаковниң америка дөләт хәвпсизлик мәслиһәтчиси җейк сулливан билән телефонда көрүшкәнликини билдүрди.

у көрүшүштә, русийәниң америка билән натоға әвәткән һәр хил бихәтәрлик капаләтлиригә мунасивәтлик тәклипләрниң музакирә қилинғанлиқини әскәртип, көрүшүшниң «әмәлийәтчил» өткәнликини билдүрди.

у мундақ деди:

«икки мәслиһәтчи давамлиқ көрүшүп туруш тоғрисида пикир бирликигә кәлди.»

кремилниң ташқи сийасәт мәслиһәтчиси йурий ушаков 15-декабир (2021) русийәниң һәр иил бихәтәрлик капаләтлиригә мунасивәтлик тәклиплириниң америка билән натоға әвәтилгәнликини уқтурған иди.

русийә ташқи ишлар министирлиқи 17-декабир америка билән натоға, икки айрим келишим лайиһәсиниң әвәтилгәнликини елан қилған иди.

кремил байанатчиси песков бу мәсилидә һазирғичә «конкрет җаваб» ниң кәлмигәнлкини әскәрткән иди.