b d t éfiyopiyediki «kishilik hoquq depsendichiliki»ni tekshürüshni qarar qildi

türkiye awazi radiyosi xewiri: b d t kishilik hoquq kéngishi yawropa ittipaqining telipige binaen mexsus yighin échip, éfiyopiyediki «éghir kishilik hoquq weziyiti»ni muzakire qildi. b d t kishilik hoquq kéngishining muawin yuqiri derijilik komissari nada enneshif, éfiyopiyediki her qaysi tereplerni puqralarni qoghdashqa we kishilik hoquq depsendichilikige derhal xatime bérishke chaqirdi.

yighinda, xelqara mutexessisler komitéti qurup, éfiyopiyediki ichki urushqa qatnashqan herqaysi tereplerning sadir qilghan kishilik hoquq depsendichiliki we suyiistémallirini tekshürüsh qarari maqullandi.

éfiyopiye hökümiti küchlük naraziliq bildürgen bélet tashlashta, yawropa ittipaqi sunghan qanun layihesi 47 ezaliq kéngeshte 15 ret, 11 ipadisiz, 21 qollash béliti bilen qobul qilindi.

xitay, rusiye, hindistan, pakistan we hindistan qatarliq döletler ret béliti tashlighan layihege yawropa ittipaqi döletlirini qollap bélet tashlidi. bir qisim afriqa döletlirining bélet tashlashtin yaltiyishi küzetküchilerning diqqitini tartti.

éfiyopiye armiyesi qozghilangchilar ishghal qiliwalghan nurghun rayonni qayturuwalghan bolsimu, toqunushlar yenila dawamlashmaqta.

xelqara qizil kirést jemiyiti we qizil hilal ay jemiyiti fédératsiyesi, éfiyopiyediki insaniy weziyetning toqunush we bashqa tehditler sewebidin kishini chöchütidighan derijige yetkenlikini, 23 milyon kishining yardemge mohtaj ikenlikini bildürdi.