yawropa ittipaqi rehberliri 2021-yilning axirqi yighini üchün toplandi

türkiye awazi radiyosi xewiri:  gérmaniye bash ministiri olaf sholz (Olaf Scholz) awstiriye bash ministiri karl nihamér (KarlNehammer) we shiwétsiye bash ministiri magdalina andashon (Magdalena Andersson) qatarliq rehberlerning mezkur yighingha tunji qatnishishi bolup hésablinidu.

bir kün boyiche dawamlishidighan yighinda, rusiyening ukraina chégrasidiki paaliyetliri, bélarusiye we köchmenler mesilisi, wuxen wirusi (Kovid-19), waksina emlesh nisbitini ashurush, énérgiye bahaliri we pul paxalliqi qatar mesililer muzakire qilinidu.

yighin bashlinishtin burun ukrainani qollash toghrisida signal bérildi.

gérmaniye bash ministiri sholz ukraina chégralirigha xilapliq qilishqa bolmaydighanliqini tekitlep: «chégralargha xilapliq qilishqa bolmaydighanliqini, buning yawropa tinchliqining asasi ikenlikini bu yerde yene bir qétim jakarlaymiz. buningdin bashqa, chégralargha xilapliq qilishqa bolmaydighanliqini kapaletke ige qilish üchün birlikte hemme ishni qilidighanliqimizni eskertimiz» dédi.

rusiyege qarshi téximu qattiq pozitsiye tutushni telep qilghan litwaniye pirézidénti gitanas nawséda (Gitanas Nauseda): «qolimizdiki  bilen eng nachar sénariyening aldini élish üchün hemme ishni qilishimiz kérek. eng nachar sénariye bolsa, ukraina zéminlirigha hujum qilish éhtimalidur» dédi.

yighinda yene, xewpsizlik we mudapie mesililiri, yéqinda élan qilinidighanliqi perez qiliniwatqan yawropa ittipaqi-nato ortaq xitabnamesi, 2022-yili échilidighan yawropa ittipaqi-afriqa aliy rehberler yighinidin ilgiri afriqa bilen bolghan munasiwetler muzakire qilinidu.