шималий корейәниң 100 миңдин адәмни сийасий әсир лагерлирида тутуватқанлиқи илгири сүрүлди

шималий корейәдә сийасий әсир лагерлириға қамалған 100,000 дин артуқ адәмниң қийин-қистақ, сотсиз өлүм җазаси вә ачарчилиққа дучар болуватқанлиқи илгири сүрүлди.

1748236
шималий корейәниң 100 миңдин адәмни сийасий әсир лагерлирида тутуватқанлиқи илгири сүрүлди

түркийә авази радийоси хәвири: американиң бирләшкән дөләтләр тәшкилатида турушлуқ даимий вәкили линда томас гиринфилд әнглийә, фирансийә, йапонийә, иреландийә, естонийә вә норвегийәгә вакалитән бирләшмә байанат елан қилип, шималий корейәдики системилиқ кишилик һоқуқ дәпсәндичиликигә даир әндишлирини оттуриға қойди.

томас гиринфилд, «шималий корейә даирилири 100,000 дин артуқ адәмни  қийин – қистаққа елинидиған, мәҗбурий әмгәккә селинидиған, сотсизла етип ташлинидиған, ачарчилиқ вә җинсий зураванлиққа дучар болидиған сийасий әсир лагерлирида тутуп турушни давамлаштурмақта» деди.

аһалиниң қалған қисминиң қорқутүш түзүми билән башқурулуп, асасий пикир әркинлики һоқуқидинму мәһрум қилиниватқанлиқини тәкитлигән томас гринфилд сөзини давамлаштуруп: «һакимийәт дөләттин қечишқа урунған һәр қандақ кишигә <етип өлтүр> буйруқини иҗра қилмақта вә инсанпәрвәрлик йардәмлириниң қийин әһвалдики кишиләргә йәткүзүлүшигә тосқунлуқ қилмақта» дегәнләрни қәйт қилди.

шималий корейәдики кишилик һоқуқ дәпсәндичиликиниң дәлилләнгәнликини вә б д т комиссийәсиниң қаришичә, шималий корейәниң дөләттә инсанийәткә қарши җинайәт садир қилғанлиқини илгири сүргән томас гиринфилд, б д т хәвпсизлик кеңишини бу мәсилигә тәдбир қоллинишқа чақирди.



مۇناسىۋەتلىك خەۋەرلەر