israiliye quddusta pelestinliklerning öyini chéqiwetti
israiliye qurulush ijaziti yoq dégen bahane bilen ishghal astidiki sherqiy quddusta pelestinliklerge ait 3 öyni chéqiwetti.
türkiye awazi radiyosi xewiri: pelestindiki «wadi hilwa uchur merkizi» namliq puqrawi teshkilatning bayanatigha qarighanda, israiliye quddus sheherlik hökümetke qarashliq ish mashiniliri, israiliye dölet xewpsizlik küchlirining hémayisi astida, sheherning ottura qismigha jaylashqan silwan we tur rayonlirida, hemde sheherning jenubidiki jebel elmukebbir rayonida, pelestinliklerge ait 3 öyni chéqip, weyran qiliwetken.
bayanatta tekitlinishiche, chéqiwétilgen öylerde, balilarnimu öz ichige alghan onlarche pelestinlik yashaydiken.
silwan rayonidiki öyi chéqiwétilgen mejdi xillisi, «wadi hilwa uchur merkizi» teshkilatigha bergen bayanatida, köp qétim iltimas sunghan bolushigha qarimay, israiliye dairilirining qurulush ijaziti bérishni ret qilghanliqini éytti.