америка исраилийәни агаһландурди

америка қошма иштатлири йәһудий көчмәнләрниң пәләстинликләргә қарита зораванлиқ һәрикәтлири тоғрисида  исраилийәни агаһландурди.

1747066
америка исраилийәни агаһландурди

түркийә авази радийоси хәвири: америка қошма иштатлири муавин ташқи ишлар министири викторийә нуланд, исраилийә җамаәт хәвпсизлик ишлири министири өмәр барлев билән көрүшкәндә, болупму ийордан дәрйасиниң ғәрбий қирғиқидики қанунсиз йәһудий көчмәнләрниң пәләстинликләргә қаритилған зораванлиқ һәрикәтлирини күнтәртипкә елип кәлди.

исраилийәдики сақчи ишлири мәсули барлев, аммиви ортақлишиш тор бетидики сәһиписидә, америка қошма иштатлири муавин ташқи ишлар министири викторийә нуланд билән елип барған учришиши һәққидә елан қилған байанатида, учришишта, нуландниң, «йәһудий көчмәнләрниң зораванлиқ һәрикәтлири, районлуқ сүркилишниң азайтилиши вә пәләстин һөкүмитиниң күчәйтилиши» қатарлиқ темиларға көңүл бөлгәнликини әскәртиш билән бир вақитта, ийордан дәрйасиниң ғәрбий қирғиқи вә ғәззәдә йашаватқан пәләстинликләрниң исраилийәдә техиму көп ишлишигә рухсәт қилишиниң, районлуқ сүркилишни азайтишниң ачқучлуқ амили икәнликини, америка қошма иштатлириниң ғәззәниң сиртида ортақ санаәт райони қуруш қатарлиқ лайиһәләрни қоллишиниң наһайити зор әһмийәткә игә икәнликини тәкитлиди.

америка қошма иштатлири һөкүмити, қанунсиз йәһудий көчмәнләрниң зораванлиқ һәрикәтлири һәққидә инкас қайтуруштин өзини қачуруш билән бир вақитта, өктәбирдә, ийордан дәрйасиниң ғәрбий қирғиқидики әлхәлил шәһиридики қанунсиз йәһудий көчмәнләрниң пәләстинликләргә қаратқан һуҗумини әйибләп байанат елан қилғаниди.



مۇناسىۋەتلىك خەۋەرلەر