германийәдә җамәгә һуҗум қилған кишиләр қолға елинди

түркийә авази радийоси хәвири: 100 – 150 кишилик әсәбий оңчил радикал гуруппиниң, түнүгүн кәч тәрәпләрдә йиғилишқа қатнашқандин кейин, әййуб султан җамәсигә қилған һуҗуми сәвәбидин бинада маддий зийан мәйданға кәлди.

диний ишлар  түрк - ислам бирлики султан җамәси җәмийитиниң рәиси өмәр мумҗу, җамәгә қилинған һуҗумдин қаттиқ әпсуслинидиғанлиқлирини, һәр йили мушуниңға охшаш вәқәләргә дуч келидиғанлиқлирини әскәртиш билән бир вақитта, һуҗумда җамәниң 4 деризисиниң әйнәклириниң чеқилип кәткәнлики вә бинада маддий зийан көрүлгәнликини тәкитлиди, һәмдә бу һуҗумларға хатимә берилиши үчүн сақчилардин йардәм тәләп қилғанлиқлирини ейтти.

у йәнә, гуруппиниң җамәгә вә сақчиларға етилдақларни етип, һақарәт қилғанлиқини, һуҗум билән четишлиқи бар 11 кишиниң қолға елинғанлиқиниму сөзлиригә илавә қилди.