amérikada mejburiy waksina emlesh belgilimisi emeldin qaldurulidighandek qilidu
pirézidént jo baydinning 100 din artuq xizmetchisi bar karxanilardiki xadimlar üchün yolgha qoyghan mejburiy kowid-19 waksinisi emlesh belgilimisini emeldin qaldurush üchün sunulghan qarar layihesi amérika kéngesh palatasi teripidin testiqlandi.
türkiye awazi radiyosi xewiri: kéngesh palatasi omumiy yighinida ötküzülgen bélet tashlashta, baydinning xizmetchilerge yolgha qoyghan waksina emlesh mejburiyitini bikar qilish toghrisidiki qarar layihesi 48 ret awazgha qarshi 52 qollash awazi bilen qobul qilindi.
100 kishilik kéngesh palatasining yérimini teshkil qilidighan jumhuriyetchiler partiyesi ezalirining hemmisi qanun layihisini qollap bélet tashlidi.
démokratchilarning kéngesh palata ezasi jon téstér we jo manchinningmu jumhuriyetchiler partiyesi bilen birge qollap bélet tashlighanliqi hemmining diqqitini tartti.
bu qanun layihesi ikkinchi testiq üchün awam palatasining omumiy mejlisige yollandi.
baydin sintebirde 100 din artuq xizmetchisi bar karxanilargha waksinaning mejburi bolidighanliqini jakarlighanda, jumhuriyetchiler partiyisi naraziliq bildürgen idi. shuning bilen baydin hökümiti waksina emleshning 4-dékabir dep belgilengen waqtini 4-yanwargha özgertken bolsimu, naraziliqlar dawamlashqan idi.
yene bir tereptin, baydénning mejburiy waksina emlesh qararigha qarita nurghun ishtatlar erz sunghan we fédératsiye sot mehkimisi bu qararni tonglatqan idi.
