seudi erebistan shahzadisi muhemmed bin selman pars qoltuqi ziyaritini bashlidi

türkiye awazi radiyosi xewiri: seudi erebistan weliehdi shahzadisi muhemmed bin selman qatar emiri sheyx temim bim hamed alsani bilen körüshüp, ikki terep munasiwetliri, xelqaraliq we rayonluq mesililerni muzakire qildi.

körüshüshte, ortaq pars qoltuqi tirishchanliqlirini qollash we ehmiyiti tekitlinip, her ikki terepning menpeetige paydiliq bolidighan qérindashliq munasiwetlirini kücheytish mesiliside pikir birlikining hasil qilinghanliqi qeyt qilindi.

qatar emirlikining bayanatida bildürülishiche, ikki dölet otturisidiki kordinatsiye kéngishi, temim bilen bin selmanning bashchiliqida toplanghan.

kéngeshning yighinida, küchlük qérindashliq munasiwetliri we ikki dölet xelqliri menpeetlirini nurghun sahede keng upuqlargha tarqilidighan shekilde tereqqiy qildurush hemde qollashning yolliri muzakire qilindi.

rayonning muqimliqi we bixeterlikige munasiwetlik ortaq ehmiyetke ige mesililerge munasiwetlik özara pikir almashturulghan yighinda yene, qatar emiri sheyx temim bim hamed alsani seudi erebistan weliehdi shahzadisi muhemmed bin selmanning ziyaritining ehmiyitini tekitlep, buning ikki dölet otturisidiki tarixiy we küchlük rishtilerni téximu chongqurlashturidighanliqini bildürdi.

seudi erebistan weliehdi shahzadisi bin selman ikki dölet üchün köp tereplik pursetlerning pat arida menpeetlerge aylinidighanliqini qeyt qildi.

kéngesh yighinidin kéyin, her ikki terep yighin xulasilirini imzalidi.

seudi erebistan weliehdi shahzadisi muhemmed bin selman 14-dékabir (2021) dölitide ötküzülidighan pars qoltuqi hemkarliq kéngishi yighinidin burun, 6-dékabir pars qoltuqi ziyaritini bashlighan idi.

pars qoltuqi ziyaritini ummandin bashlighan muhemmed bin selman ereb birleshme xelipiliki we qatardin kéyin, behreyn we küweytni ziyaret qilidu.