téhran amérikaning émbargo qararigha naraziliq bildürdi
iran tashqi ishlar ministirliqi bayanatchisi seid xatibzade, amérika qoshma ishtatlirining dölitige qaratqan yéngi jazalirining yadro söhbetliride washingtonni ewzel orungha ige qilmaydighanliqini bildürdi.
türkiye awazi radiyosi xewiri: bayanatchi seid xatibzade özining tiwittérdiki adrésida uchur hembehrilep, awstriyening paytexti wiyénnada ötküzülgen yadro söhbetlirige isharet qilghan halda: «amérika wiyénna söhbetliri dawamlishiwatqan esnadimu irangha jaza yürgüzüshtin waz kechmeywatidu» dédi.
washingitonning irangha qarita tashlawatqan qedemlirining bir - birige zit ikenlikini otturigha qoyghan xatibzade: «jazani hessilep ashurush (amérikani) söhbetlerde ewzel orungha ige qilmaydu» dégenlerni qeyt qildi.
3 – dékabirda iran yadro kélishimining qaytidin toluq menide ijra qilinishigha kapaletlik qilish we amérikaning yadro kélishimige qaytip kélishi muzakire qilinghan söhbetler kélishim hasil qilinalmighachqa toxtitilghanidi.
iran muawin tashqi ishlar ministiri, qoshumche bash söhbet wekili eli bakiri söhbetlerning 9-dékabir qayta bashlinidighanliqini élan qilghanidi. amérika iranning kélishimdiki wedisige qaytip kélishini telep qilsa, téhran yadro kélishimidin ayrilghan terep bolush süpiti bilen, aldi bilen washingitonning kélishimge qaytip, jazalarni bikar qilishini we kélishimdin qayta ayrilmaydighanliqigha kapaletlik qilishni telep qilmaqta.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
