zéléniski: dawamliq qollighanliqi üchün amérikadin minnetdarmen

ukraina pirézidénti wladimir zéléniski kiyéwni dawamliq qollighanliqi üchün amérika qoshma ishtatliridin minnetdar ikenlikini bildürdi.

1743937
zéléniski: dawamliq qollighanliqi üchün amérikadin minnetdarmen

türkiye awazi radiyosi xewiri: ukraina pirézidénti wladimir zéléniski, amérika qoshma ishtatliri pirézidénti jo baydin bilen rusiye pirézidénti wiladimir putinning bügün ishqa ashurulidighan uchrishishi harpisida, amérika qoshma ishtatliri tashqi ishlar ministiri antoni blinkén bilen téléfonda körüshüp, dölitige alaqidar mesililer heqqide muzakire élip bardi.

zéléniski, ammiwi ortaqlishish tor béti Twitter sehipiside élan qilghan bayanatida, baydin – putin uchrishishi harpisida blinkén bilen téléfonda körüshüp, hem pozitsiyeliri hemde amérika qoshma ishtatliri bilen ortaq heriket qilish mesiliside birdeklik hasil qilghanliqlirini tekitlep mundaq dédi: «igilik hoquqimiz we zémin pütünlükimizni qoghdashta dawamliq bizni qollighanliqi  üchün,  istiratégiyelik hemrahimiz we ittipaqdishimiz amérika qoshma ishtatliridin minnetdarmen.»



مۇناسىۋەتلىك خەۋەرلەر