қатар министири ал сани: түркийәниң иқтисадиниң асасий күчлүк

қатарниң муавин баш министири, қошумчә ташқи ишлар министири муһәммәд бин абдурраһман ал сани, түркийәниң көп хиллиқи билән иқтисадиниң күчлүк икәнликини, доһаниң түркийә иқтисадиға ишинидиғанлиқини оттуриға қойди.

1743980
қатар министири ал сани: түркийәниң иқтисадиниң асасий күчлүк

түркийә авази радийоси хәвири: ал сани пайтәхт доһада дөләт ишлири зийаритидә болуватқан түркийә җумһурийити ташқи ишлар министири мәвлүт чавушоғлу билән өткүзгән қошма мухбирларни күтүвелиш йиғинида, айрим учришишлирида, пәләстин мәсилиси, сүрийә вә афғанистандики өзгиришләр тоғрисида сөзләшкәнликлирини билдүрди.

түркийә билән қатар оттурисидики мунасивәтниң истратегийәлик вә пәвқуладдә шериклик мунасивити икәнликини вә бу мунасивәтләрниң һәр қайси саһәләрдә давамлиқ тәрәққий қиливатқанлиқини тәкитлигән ал сани, бүгүн җр рәҗәп таййип әрдоған билән қатар әмири шәйх тәмим бин һәмәд ал саниниң иштирак қилиши билән түркийә - қатар йуқири дәриҗилик истратегийәлик комитетиниң йәттинчи нөвәтлик йиғининиң ечилидиғанлиқини хатирилитип өтти.

қатар әмири билән җумһур рәис әрдоғанниң афғанистандики сийасий вә инсанпәрвәрлик вәзийити тоғрисидиму сөзлишидиғанлиқини билдүргән ал сани: «түркийә - қатар йуқири дәриҗилик истратегийәлик комитетиниң 7- нөвәтлик йиғинида 12 йеңи келишимниң имзалиниши күтүлмәктә» дегәнләрни қәйт қилди.

қатар министири ал сани түркийә иқтисади тоғрисида тохтилип: «биз түркийәниң көп хиллиққа игә иқтисадиға ишинимиз. түркийә иқтисади мустәһкәм асас үстигә қурулған. буму иқтисадниң нөвәттики вәзийәтни йеңишигә шараит һазирлайду. қатарниң түркийәгә салған мәблиғи көп, бу мәбләғләр үнүмлүк мевә бәрмәктә» деди.

 



مۇناسىۋەتلىك خەۋەرلەر