иран һава мудапиә системисини синақ қилди

иранниң исфаһан шәһиридики натанз уран қойуқландуруш завутиниң һуҗумға учраш еһтималлиқиға қарши райондики һава мудапиә системиси синақ қилинғанлиқи вә районда аңланған партлаш авазиниңму етилған башқурулидиған бомбадин кәлгәнлики билдүрүлди.

1743051
иран һава мудапиә системисини синақ қилди

 түркийә авази радийоси хәвири:  иран дөләтлик телевизийә истансисиниң хәвиригә асасланғанда, партлаш авази аңланған натанз райониниң һава мудапиәсигә мәсул қомандани, йадро әслиһәлириниң йенидики башқурулидиған бомба системилириниң һуҗум еһтималлиқиға қарши тәййар йаки әмәсликини синаш үчүн башқурулидиған бомба етилғанлиқини ейтқан.

иран қомандани қисқа муддәтлик маневирниң районға орунлаштурулған һәрбий системиларни синаш үчүн пүтүнләй бихәтәр муһитта елип берилғанлиқини билдүргән.

иран таратқулирида илгири икки қетим бузғунчилиққа учриған натанздики уран қойуқландуруш завути әтрапида күчлүк партлаш йүз бәргәнлики хәвәр қилинған иди.

фарс хәвәр агентлиқи бир учқучисиз айропиланниң пачақлап ташланғанлиқини билдүргән болса, иран алий дөләт бихәтәрлик кеңишигә қарашлиқ нурневис тори, һуҗум еһтималлиқиға тақабил туруш үчүн башқурулидиған бомба синиқи елип берилғанлиқини билдүргән иди.



مۇناسىۋەتلىك خەۋەرلەر