rusiyening ukrainani ishghal qilishqa teyyarliniwatqanliqini ilgiri sürüldi

amérika dölet bixeterlik tarmaqliri, rusiyening ukrainagha 175 ming eskerni ishqa sélip hujum qilishqa teyyarlawatqanliqini éytip agahlandurdi.

1742920
rusiyening ukrainani ishghal qilishqa teyyarliniwatqanliqini ilgiri sürüldi

türkiye awazi radiyosi xewiri: amérika dölet bixeterlik idarisining «washington pochtisi» gézitige ashkarilighan höjjitide, rusiye armiyesining kéler yilining béshidin bashlap oxshimighan tereplerdin ukrainagha hujum qilidighanliqi otturigha qoyuldi.

rusiye eskerlirining orunliri toghrisidiki melumatlarnimu öz ichige alghan höjjette, rusiyening 175 ming esker bilen ukrainagha bésip kirmekchi bolghanliqi ilgiri sürüldi.

höjjette, rusiyening yéngi zembirek we wasitilik ot échish esliheliri bilen birlikte 50 taktikiliq heriket qilish qisimlirini ukraina chégrasigha yéqin bir qanche nuqtigha orunlashturulghanliqi bildürüldi.

ukraina rusiyening chégragha 94 ming esker orunlashturghanliqini otturigha qoyuwatqan bolsa, amérika dölet bixeterlik idarisining höjjitide, taktikiliq heriket qilish bataliyonidiki eskerler omumiy sanining hazir 70,000 etrapida ikenliki, yéqin kelgüside bu sanning 175 minggha yétidighanliqini we rusiyening nishanni qalaymiqanlashturush üchün üzlüksiz halda eskerlirini chégra boyigha toplap arqidin chékindürüshni dawamlashturuwatqanliqi ilgiri sürüldi.

höjjette, rusiyening buningdin burunqi chégragha esker toplishining ishghalgha teyyarliq qilish manéwiri ikenliki, rusiye armiyesining meshiq eslihelirini hazirqi ornida tashlap qoyup,  yolini dawamlashturush éhtimalining barliqigha isharet qilindi.

bir emeldar «washington pochtisi géziti» ning ziyaritini qobul qilip, ukraina chégrasidiki hazirqi rus eskerliri sanining etiyazdikige qarighanda ikki hesse köp ikenlikini otturigha qoydi.



مۇناسىۋەتلىك خەۋەرلەر