русийәниң украинани ишғал қилишқа тәййарлиниватқанлиқини илгири сүрүлди

америка дөләт бихәтәрлик тармақлири, русийәниң украинаға 175 миң әскәрни ишқа селип һуҗум қилишқа тәййарлаватқанлиқини ейтип агаһландурди.

1742920
русийәниң украинани ишғал қилишқа тәййарлиниватқанлиқини илгири сүрүлди

түркийә авази радийоси хәвири: америка дөләт бихәтәрлик идарисиниң «вашингтон почтиси» гезитигә ашкарилиған һөҗҗитидә, русийә армийәсиниң келәр йилиниң бешидин башлап охшимиған тәрәпләрдин украинаға һуҗум қилидиғанлиқи оттуриға қойулди.

русийә әскәрлириниң орунлири тоғрисидики мәлуматларниму өз ичигә алған һөҗҗәттә, русийәниң 175 миң әскәр билән украинаға бесип кирмәкчи болғанлиқи илгири сүрүлди.

һөҗҗәттә, русийәниң йеңи зәмбирәк вә васитилик от ечиш әслиһәлири билән бирликтә 50 тактикилиқ һәрикәт қилиш қисимлирини украина чеграсиға йеқин бир қанчә нуқтиға орунлаштурулғанлиқи билдүрүлди.

украина русийәниң чеграға 94 миң әскәр орунлаштурғанлиқини оттуриға қойуватқан болса, америка дөләт бихәтәрлик идарисиниң һөҗҗитидә, тактикилиқ һәрикәт қилиш баталийонидики әскәрләр омумий саниниң һазир 70,000 әтрапида икәнлики, йеқин кәлгүсидә бу санниң 175 миңға йетидиғанлиқини вә русийәниң нишанни қалаймиқанлаштуруш үчүн үзлүксиз һалда әскәрлирини чегра бойиға топлап арқидин чекиндүрүшни давамлаштуруватқанлиқи илгири сүрүлди.

һөҗҗәттә, русийәниң буниңдин бурунқи чеграға әскәр топлишиниң ишғалға тәййарлиқ қилиш маневири икәнлики, русийә армийәсиниң мәшиқ әслиһәлирини һазирқи орнида ташлап қойуп,  йолини давамлаштуруш еһтималиниң барлиқиға ишарәт қилинди.

бир әмәлдар «вашингтон почтиси гезити» ниң зийаритини қобул қилип, украина чеграсидики һазирқи рус әскәрлири саниниң әтийаздикигә қариғанда икки һәссә көп икәнликини оттуриға қойди.



مۇناسىۋەتلىك خەۋەرلەر