gérmaniye pirézidénti üch türkke ordén berdi

gérmaniye pirézidénti firank waltér stéynméyér her xil sahelerde utuqlarni qolgha keltürgen üch türkke «ordén» berdi.

1742922
gérmaniye pirézidénti üch türkke ordén berdi

türkiye awazi radiyosi xewiri: stéynméyér bélléwu sariyida ötküzülgen murasimda piroféssor doktor yasimin qaraqash, derwish hizarji we turgay tahtabashlargha médallirini teqdim qildi.

jemiy 15 kishige köchmenlerning bir gewdilishish xizmiti, ayallar hoquqi, dinlar ara diyalog we maarip pursiti yaritishqa qoshqan töhpisi üchün sherep médali bérilgenlikini bildürgen stéynméyér, bolupmu yuqum mezgilidiki xizmetliride utuqlarni qolgha keltürgen bu kishilerni «etrapini yorutqan mayak» qa oxshitti.

60 yil ilgiri kelgen méhman ishchilar we ularning perzentlirining gérmaniyeni özgertkenlikini, ularsiz bir gérmaniyeni tesewwur qilghili bolmaydighanliqini tekitligen stéynméyér, biraq jemiyetning bezi qatlamlirining bu pakitni yenila nezerdin saqit qiliwatqanliqini tenqid qildi.



مۇناسىۋەتلىك خەۋەرلەر